एरंडोल / प्रतीनिधि
एरंडोल : – श्रीक्षेत्र पद्मालय येथील पडक्या बसस्थानकाजवळ स्थानिक गुन्हे शाखेच्या पोलिस पथकाने भातखेडे (ता.एरंडोल) येथील बावीस वर्षीय युवकास अटक करून त्याचे कडून सुमारे पन्नास हजार रुपये किमतीचे दोन कट्टे जप्त केले.श्रीक्षेत्र पदामालाय परिसरात गावठ कट्ट्यासह युवक सापडल्यामुळे तालुक्यात खळबळ उडाली आहे.
याबाबत माहिती अशी,की जळगाव येथील स्थानिक गुन्हे शाखेचे उपनिरीक्षक अमोल देविदास देवढे याना पद्मालय येथे एक युवक गावठी कट्ट्यासह फिरत असल्याची गुप्त माहिती मिळाली.उपनिरीक्षक अमोल देवडे यांनी स्थानिक गुन्हे शाखेतील कर्मचारी भगवान तुकाराम पाटील,सुनील दामोदरे,अशरफ शेख,नंदलाल पाटील,राहुल बैसाणे,ईश्वर पाटील याना याबाबत माहिती दिली.शनिवारी रात्री साडेदहा वाजेच्या सुमारास स्थानिक गुन्हे शाखेचे कर्मचारी पद्मालय परिसरात गेले.
पद्मालय येथील शासकीय विश्राम गृहाच्या बाजूला असलेल्या अंधारात वाहन लाऊन कर्मचा-यांनी संशयिताचा शोध घेण्यास सुरुवात केली.रात्री साडे अकरा वाजेच्या सुमारास पद्मालय येथील जुन्या बसस्थानकाजवळ अंधारात एक युवक असल्याचे दिसताच गुन्हे शाकेच्या कर्मचा-यांनी त्यास ताब्यात घेतले.त्याची विचारपूस केली असता त्याने स्वत;चे नाव चेतन गोविंदा पाटील (भदाणे) रा.भातखेडे ता.एरंडोल असल्याचे सांगितले.त्याची झडती घेतली असता त्याच्या कमरेस सुमारे पन्नास हजार रुपये किमतीचे दोन गावठ कट्टे आढळून आले.
पोलिसांनी त्यास तत्काळ ताब्यात घेवून एरंडोल पोलीस स्थानकात आणले.याबाबत भगवान तुकाराम पाटील यांनी दिलेल्या तक्रारीवरून चेतन पाटील याचे विरोधात गुन्हा दाखल करण्यात आला असून पोलीस निरीक्षक ज्ञानेश्वर जाधव यांचे मार्गदर्शनाखाली उपनिरीक्षक शरद बागल तपास करीत आहेत.दरम्यान श्रीक्षेत्र पदामालाय येथे देशभरातून दररोज भाविक मोठ्या संख्येने येत असतात मात्र त्याच ठिकाणी गावठी कट्ट्यासह युवक सापडल्यामुळे भाविकांमध्ये भीती निर्माण झाली आहे.पद्मालय परिसरात घनदाट जंगल असून नैसर्गिक वातावारानाचा आनंद लुटण्यासाठी पर्यटक देखील मोठ्या प्रमाणावर येत असतात.
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
