लोणार/उध्दव आटोळे
लोणार :- शहरातील धार रोडवरील सत्यम कापड केंद्र या दुकानाला काल रात्री १ वाजेच्या सुमारास अचानक आग लागल्यामुळे दुकानातील 30 ते 35 लाख रुपयाचे नुकसान झाल्याचे दुकानाचे मालक अनिल बन्सीलाल अग्रवाल यांनी सांगितले.
यामध्ये दुकानातील साहित्य कापड व इतर वस्तू जळून खाक झाले आहे. या वर्षांमधील कापड दुकानांमध्ये आग लागण्याची ही दुसरी घटना आहे.दरम्यान ही आग विझवण्यासाठी लोणार नगरपरिषद अग्निशमन दलाच्या कर्मचाऱ्यांनी प्रयत्न केले. याप्रकरणी अग्रवाल यांनी पोलिस ठाण्यांमध्ये दिलेल्या अर्जानुसार,विजेच्या शॉर्टसर्किटने न्यू सत्यम कापड केंद्र या दुकानाला आग लागली.
या दुकानात जवळपास 30 ते 35 लाख रुपयांचा कापडाचा माल, फर्निचर व इतर साहित्य होते.यातील सर्व फर्निचर, सुटिंग, शर्टिंग, साड्या, ड्रेस मटेरियल,अंडरगारमेंट तसेच उच्च दर्जाची कपडे व बिल बुक सारे काही जळून गेले. कोरोनाच्या काळानंतर मध्यंतरीच दुकान सुरू झाले. कोरोनाच्या काळात लॉकडाऊन मध्ये या दुकानाचे आर्थिक नुकसान झाले होते. अशा परिस्थितीत आत्ता कुठे परिस्थिती पूर्वपदावर येत असतानाच,विजेच्या शॉर्टसर्किटने आग लागून झालेल्या नुकसानीमुळे अनिल अग्रवाल यांना मोठा धक्का दिला.
हे वाचलंत का?,
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
