छत्रपती संभाजी (गुरुदत्त वाकदेकर) : सार्वजनिक बांधकाम प्रादेशिक विभागाचे मुख्य अभियंता इंजि. दिलीप उकीर्डे व जागतिक बँक प्रकल्प विभाग, औरंगाबाद येथे कार्यरत असलेले अभियंता इंजि. संजयकुमार भोसले यांना शासकीय कार्यालयात दि. १८ मे, २०२३ रोजी समाजकंटक जयकिशन कांबळे याने अर्वाच्च भाषेत शिवीगाळ करुन धक्काबुक्की केली, तसेच जीवे मारण्याची धमकी दिली. या निंदनीय घटनेचा महासंघाच्या वतीने तीव्र निषेध केला आहे.

इंजि. संजयकुमार भोसले हे अधिकारी महासंघाचे सहचिटणीस तसेच कनिष्ठ अभियंता संघटनेचे उपाध्यक्ष देखील आहेत. त्यांना शासकीय कार्यालयातच झालेल्या धक्काबुक्कीमुळे अधिकाऱ्यांमध्ये कमालीची अस्वस्थता असून, प्रचंड चीड निर्माण झाली आहे. आपले कर्तव्य चोख बजावणाऱ्या अधिकाऱ्यांसमवेत अशा हिंसक घटना घडणे हे पुरोगामी महाराष्ट्राला भूषणावह नाही. अशा हिंसक प्रवृत्तीला वेळीच आळा घालणे गरजेचे आहे.

शासनाने या घटनेची गंभीर दखल घेऊन, संबंधित समाजकंटकाला लवकरात लवकर अटक करून कठोर शिक्षा करावी, तसेच या प्रकरणात तक्रारदार अधिकाऱ्यांवर सर्वतोपरी दबाव टाकण्याचा किंवा इजा पोहचविण्याचा संबंधितांकडून प्रयत्न होण्याची संभावना नाकारता येत नाही. त्यामुळे धीरोदात्तपणे आपले कर्तव्य बजावण्याचे धारिष्ट्य दाखविणाऱ्या अधिकाऱ्यांना तातडीने सुरक्षा पुरविण्याचे निर्देश संबंधित स्थानिक प्रशासनाला व्हावेत, अशी अधिकारी महासंघाच्या वतीने आग्रही मागणी केली आहे.

हे पण वाचा

• VIDEO: कुटुंबानं खरंच यमराजाला दिला चकवा!काच फोडून कारमध्ये शिरल्या लोखंडी सळ्या; पहा नशीब अन् कर्मावर विश्वास बसणार नाही असा व्हिडिओ.
• नवरदेव आला मंडपात, इतक्यात नवरीचा वडिलांनी तिच्या मृत्यूची बातमी सांगितली,नवरदेवाला आला संशय अन् हादरवणारे सत्य आलं समोर.
• बाबागिरी करणाऱ्या मौलवीने 17 वर्षीय निष्पाप मुलाची निर्घुण हत्या करून मृतदेहाचे तुकडे करून दुकानात पुरले,साडे चार वर्षानी गुढ उकललं.
• दोन मुलांची आई प्रियकराच्या प्रेमात आंधळी, पत्नीने प्रियकराला बोलवले घरी दोघांना सोबत पाहून पतीची तळपायाची आग मस्तकात गेली, मग पुढे सुरू झाला हायहोल्टेज ड्रामा.
• पती खूनाच्या आरोपात अटकेत त्याला वाचवण्याच्या नादात पत्नीनं भलतचं केलं, पोलिसांवर केलेल्या गंभीर आरोपात तीन पोलिस निलंबित,काय आहे प्रकरण.