नवी दिल्ली : नागरिकांच्या सुरक्षेसाठी, त्यांना न्याय मिळावा, यासाठी कायदे बनवले जातात; मात्र काही वेळा त्या कायद्यांचा गैरफायदा घेण्यासाठी नागरिकांकडून गैरकृत्यं केली जातात.दिल्लीमध्ये पॉक्सो कायद्याचा गैरफायदा घेण्यासाठी एका महिलेनं चक्क आपल्या 5 वर्षांच्या मुलीवर लैंगिक अत्याचार झाल्याचा बनाव रचला. हे सत्य समोर आल्यावर मात्र न्यायालयाने त्या महिलेला कठोर शिक्षा दिली आहे. आई आणि मुलीमध्ये मायेचं नातं असतं. सगळ्या जगानं फसवलं, तरी आई मुलीला कधी फसवणार नाही, असा विश्वास या नात्यात असतो; मात्र काही स्त्रिया या नियमाला अपवाद ठरतात.

दिल्लीत राहणाऱ्या एका महिलेने स्वतःच्या मुलीचा फायद्यासाठी वापर करून हे सिद्ध केलंय. इतकंच नाही, तर तिने त्यासाठी न्यायालयाचाही वेळ वाया घालवला.आपल्या मुलीवर लैंगिक अत्याचार व्हावेत असं स्वप्नातही कोणत्या पालकांना वाटणार नाही; पण याच गोष्टीचा वापर करून एका स्त्रीने तिच्या 5 वर्षांच्या मुलीला न्यायालयासमोर उभं केलं. या महिलेनं आपल्या 5 वर्षांच्या मुलीवर बलात्कार झाल्याचं खोटंच सांगितलं. या महिलेचा एक मालमत्तेवरून वाद सुरू होता आणि या वादाचा फायदा घेण्यासाठी तिने संबंधित व्यक्तीवर बलात्काराचे आरोप केले.

आपल्या 5 वर्षांच्या मुलीवर बलात्कार केल्याचं तिने सांगितलं. मुलगी 5 वर्षांची असल्यानं पोलिसांनी पॉक्सो कायद्यांतर्गत गुन्हाही दाखल केला. पोलिसांनी तपास सुरू केला. प्रकरण कोर्टातही पोहोचलं; पण ती महिला साफ खोटं बोलत असल्याचं तपासात समोर आलं. पॉक्सो कायद्याचा गैरफायदा घेऊन दुसऱ्या पक्षावर दबाव आणण्याचा या महिलेचा उद्देश होता. न्यायाधीश सुशील बाला यांच्यासमोर या प्रकरणाची सुनावणी झाली, तेव्हा त्यांनी महिलेला कठोर शब्दांत सुनावलं व शिक्षाही दिली. न्यायाधीश म्हणाले, की ‘महिलेनं केवळ मालमत्तेच्या वादातून आरोपीची प्रतिष्ठा खराब करण्याचा प्रयत्न केला नाही, तर न्यायव्यवस्थेचीही खिल्ली उडवली. तसंच स्वतःच्या मुलीचीही फसवणूक केली.

या महिलेप्रमाणेच अनेक जण स्वतःच्या फायद्यासाठी पॉक्सो कायद्याचा वापर करतात. कधी परस्पर भांडणांमुळे, तर कधी मालमत्तेच्या वादातून, तर कधी अन्य कारणांनी बलात्काराचे खोटे आरोप केले जातात, जेणेकरून खोट्या खटल्यात आरोपी दीर्घ काळ तुरुंगात जाऊ शकतो. न्यायालयाची दिशाभूल करण्याचा हा प्रयत्न आहे.’न्यायालयाने त्या महिलेला या प्रकरणात शिक्षा म्हणून एक लाख रुपयांचा दंड ठोठावला आहे. एक महिन्याच्या आत ही रक्कम त्या महिलेला जमा करावी लागणार आहे. तसं न केल्यास तिला 3 महिने तुरुंगात राहावं लागेल. न्यायालयाच्या या निकालामुळे कायद्याचा चुकीचा वापर करणाऱ्यांना धडा मिळू शकतो.

हे पण वाचा

• Viral Video:बायकोनं नवऱ्याला गर्लफ्रेंडसोबत पकडलं रंगेहात;अन् भररस्त्यात केली दोघांची धो धो धुलाई पहा व्हिडिओ.
• ‘तो तिच्यावर करत होता जीवापाड प्रेम’ पण ‘ती’…… आयुर्वेदिक औषधात विष मिसळून प्रियकराची केली हत्या; प्रेयसीला कोर्टाने घडवली जन्माची अद्दल
• चोपडा वनपरिक्षेत्रातील वनकर्मचाऱ्यावर हल्ला; अवैध वृक्षतोड प्रकरणात मोठी कारवाई.
• “तुमच्या प्रेमामुळे माझं बळ वाढतं, विकास हेच माझं ध्येय” – पालक मंत्री गुलाबराव पाटील; आव्हाणे येथे भव्य नागरी सत्कार संपन्न.
• प्रेम संबंधांत अडसर ठरणाऱ्या नवऱ्याला प्रियकराच्या मदतीने दारू पाजली,अन् स्वत:च्याच हाताने कपाळाचं कुंकू पुसलं.