इंदूर :- अनैतिक संबंध ठेवण्यासाठी सक्ती केल्याने आणि व्हिडीओ दाखवून ब्लॅकमेल केल्याने वैतागलेल्या महिलेने तिच्या पतीसह मिळून एका हॉटेल मालकाची आणि त्याच्या मैत्रिणीची हत्या केली. या दुहेरी हत्याकांड प्रकरणात पोलिसांनी या दोघांनाही अटक केली आहे.

हॉटेल व्यावसायिक रवी ठाकूर आणि त्याची मैत्रीण सरिता ठाकूर या दोघांचीही धारदार शस्त्राने हत्या करण्यात आली. शनिवारी या दोघांचे मृतदेह सरिता ठाकूरच्या घरी विवस्त्र अवस्थेत आढळले होते. इंदूरमध्ये ही घटना घडली असून अतिरिक्त पोलीस उपायुक्त आलोक कुमार शर्मा यांनी ही माहिती दिली आहे.

पोलिसांनी काय म्हटलं आहे?

अतिरिक्त पोलीस आयुक्त शर्मा यांनी दिलेल्या माहितीनुसार या दुहेरी हत्याकांड प्रकरणात नितीन पवार आणि त्याची पत्नी ममता पवार या दोघांनाही अटक करण्यात आली आहे. सरिता ठाकूरने ममता आणि हॉटेल व्यावसायिक रवी ठाकूर यांची भेट घडवून आणली होती. त्यानंतर या दोघांमध्ये अनैतिक संबंध प्रस्थापित झाले होते. या प्रकरणाची माहिती ममताचा पती नितीन पवारला मिळाली. त्यानंतर या संबंधांवरुन दोघांमध्ये कायमच खटके उडू लागले होते.

हत्येचा कट रचला गेला

रवी ठाकूरकडे ममताचे काही प्रायव्हेट व्हिडीओ होते. त्यामुळे तो तिला अनैतिक संबंध ठेवण्यासाठी भाग पाडत होता. या ब्लॅकमेलिंगला कंटाळून ममता आणि तिचा पती नितीन पवार या दोघांनी रवी ठाकूरची हत्या करण्याचा कट रचला.

तलवारीचे वार करुन हत्या

अतिरिक्त पोलीस आयुक्त शर्मा यांनी सांगितलं की ममताने ठरलेल्या कटाप्रमाणे रवी ठाकूरला सरिताच्या घरी भेटायला बोलवलं. त्यानंतर ममता आणि तिचा पती नितीन यांनी आधी सरिताची धारदार शस्त्राने हत्या केली. त्यानंतर रवी ठाकूर घरी आला तेव्हा त्याच्यावरही धारदार शस्त्राने वार केले आणि त्याला ठार केलं. शर्मा यांनी सांगितलं घटनास्थळावरुन पोलिसांनी तलवार आणि सुरा दोन्ही जप्त केलं आहे. या प्रकरणी पुढील तपास सुरु आहे. एनडीटीव्हीने या विषयीचं वृत्त दिलं आहे.

हे पण वाचा

• धरणगावात रंगला कुस्त्यांचा जोरदार आखाडा…. महाराष्ट्र चॅम्पियन पृथ्वीराज पाटील व भारत केसरी शमशाद शेख यांच्यात थरार
• जन्मदात्या आईच्या मृतदेह समोरून गेला सरणावर, 8 मुली 1मुलगा पैकी कोणीही अंत्यसंस्कारासाठी तयार होईना, पण जमिनीच्या वाटणीला मात्र…..
• Viral Video: घराच्या छतावर पती पत्नीचे भांडण गेले टोकाला; पत्नीने थेट पतीला छतावरूनच खाली फेकले, पहा धक्कादायक व्हिडिओ.
• पती होता अनैतिक संबंधात अडसर बायकोने रचला डाव पलंगावर झोपलेल्या नवऱ्यावर वार करून केली हत्या,पोलिसांनी तीन तासात पत्नी व प्रियकराला केली अटक.
• पत्नीच्या आई वडिलांकडून 25 तोळे सोने व 75 लाख रुपये घेऊनही पत्नीस शारीरिक व मानसिक छळ करणाऱ्या तहसिलदार पतीला अटक.