प्रतिनिधी | एरंडोल
एरंडोल :- पळासदड (ता. एरंडोल) येथून चोरट्याने घरासमोर उभ्या असलेल्या ट्रॅक्टर व ट्रॉलीची चोरी करून फरार झालेल्या चोरट्यास पोलिसांनी अटक करून ट्रॅक्टर व ट्रॉली जप्त केली. तर त्याचा एक साथीदार फरार झाला आहे. या चोरट्याकडून अनेक गुन्हे उघडकीस येण्याची शक्यता आहे. पळासदड येथील शेतकरी लोटन बाळकृष्ण पटवारी हे २ डिसेंबर रोजी रात्री साडेदहा वाजता एरंडोल येथे परिवारासह घरी आले होते. लोटन पटवारी यांनी पळासदड येथील घरासमोर ट्रॅक्टर व ट्रॉली उभी केली होती.
दुसऱ्या दिवशी सकाळी पाच वाजता लोटन पटवारी हे पळासदड येथे गायींचे दूध काढण्यासाठी गेले असता त्यांना घरासमोर लावलेले ट्रॅक्टर व ट्रॉली दिसून आली नाही. त्यांनी ट्रॅक्टरबाबत गावात चौकशी करून गावातील युवकांसह परिसरात शोध घेतला असता त्यांना ट्रॅक्टर आढळून आले नाही. पोलिसांत फिर्याद दिल्यानंतर गुन्हा दाखल होता. पोलिस निरीक्षक सतीश गोराडे यांच्या मार्गदर्शनाखाली सहाय्यक निरीक्षक गणेश
अहिरे, उपनिरीक्षक शरद बागल, विकास देशमुख यांचेसह
हवालदार किरण पाटील, अनिल पाटील, संदीप पाटील, अकील मुजावर यांच्यासह पोलिसांनी ट्रॅक्टर चोरीचा तपास करून पळासदड येथीलच रवींद्र राजू ठाकरे या तरुणास ताब्यात घेवून त्याचेकडून चोरीस गेलेले ट्रॅक्टर व ट्रॉली असा सुमारे साडेचार लाखाचा ऐवज जप्त केला. त्याचा एक साथीदार फरार असून पोलीस शोध घेत आहे.
हे पण वाचा
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
- एरंडोल येथे खोट्या कारवाईचा बनाव करून चहा विक्रेत्याकडून १० हजारांची खंडणी; आ.अमोलदादा पाटील यांचे चार तास पोलीस ठाण्यात ठिय्या आंदोलन
- प्रत्येक बी.एल.ए.ने घराघरात जाऊन मतदारांची अचूक पडताळणी करा – आमदार मा.ॲड.अमोलदादा पाटील.
