Viral Video: भारताच्या सर्वच राज्यांमध्ये आता मान्सूनचे आगमन झाले आहे. उन्हाने रखरखलेले रस्ते पावसाच्या सरींनी न्हाऊन निघाले आहेत. उष्णतेच्या लाटेमुळे माणसांच्या वागण्यात आलेला रुक्षपणा पहिल्या मातीच्या सुगंधामुळे निघून गेला आहे.जशी झाडाला नवी पालवी फुटावी तसा आनंद ठिकठिकाणी पाहायला मिळतोय. कधी रस्त्यात कुत्र्यांबरोबर नाचून लहान मुलांचा डान्स व्हायरल होतोय तर कधी उंदीरमामा स्वतः पावसात नाचताना दिसत आहेत. अशातच एका जोडप्याचा डान्स व्हिडीओ सोशल मीडियावर चर्चेत आला आहे.
एरवी रस्त्यात लोकांचा रोमान्स पहिला की अक्षरशः संस्कार काढणारे लोक सुद्धा या जोडप्याचा गोड क्षण पाहून आपल्याबाबतही असं काही घडावं अशी प्रार्थना करतायत. तर काहींनी मात्र आपल्याबाबत असं का घडू शकत नाही याची धम्माल कारणे दिली आहेत.तुम्ही बघू शकता, व्हायरल होणाऱ्या व्हिडीओमध्ये एक जोडपं रस्त्याच्या कडेला बाईक लावून पावसात नाचताना दिसत आहेत. एकमेकांकडे पाहताना, हसत, लाजत, हातात हात घेऊन हळुवार पद्धतीने केलेला डान्स पहिल्यांदाच नेटकऱ्यांना खूप रोमँटिक वाटला आहे.
एखाद्या बॉलिवूडच्या चित्रपटातील सीन वाटावा अशा पद्धतीने ते दोघे कोणत्याही म्युझिकशिवाय आनंद अनुभवतायत. साधारण व्हिडीओचे बॅकग्राऊंड पाहता ही वेळ रात्रीची असावी कारण एकतर अंधार दिसतोय पण रस्त्यात गर्दी सुद्धा तशी फारशी नाहीये. नेमका हा व्हिडीओ कोणत्या शहरातील आहे हे कळलं नसल्याने नेटकऱ्यांनी आपल्या शहरातील व्यथा सांगायला सुरुवात केली आहे.ही क्लिप मयूर नावाच्या एका व्यक्तीने X वर पोस्ट केली होती, ज्याने नेटिझन्सना विचारले की असा रोमँटिक डान्स तुमच्या पार्टनरबरोबर यंदाच्या पावसात करण्यापासून तुम्हाला कोण थांबवतंय?
यावर नेटकऱ्यांनी भन्नाट मजेशीर प्रतिक्रिया दिल्या आहेत. एक जण म्हणाला की, ‘आम्ही तर नाचू रे पण आमच्याकडे पार्टनर नाही त्याचं काय’, तर दुसऱ्याने लिहिलंय की, ‘इथे रस्त्यात गाड्यांना जागा नाही, नाचायला कुठे जाऊ’. आमच्याकडच्या रस्त्यात भाऊ खूप खड्डे आहेत, नाचताना पडलो म्हणजे..’ या कमेंटवर नेटकऱ्यांनी सर्वाधिक सहमती दर्शवली आहे.
हे पण वाचा
- VIDEO: कुटुंबानं खरंच यमराजाला दिला चकवा!काच फोडून कारमध्ये शिरल्या लोखंडी सळ्या; पहा नशीब अन् कर्मावर विश्वास बसणार नाही असा व्हिडिओ.
- नवरदेव आला मंडपात, इतक्यात नवरीचा वडिलांनी तिच्या मृत्यूची बातमी सांगितली,नवरदेवाला आला संशय अन् हादरवणारे सत्य आलं समोर.
- बाबागिरी करणाऱ्या मौलवीने 17 वर्षीय निष्पाप मुलाची निर्घुण हत्या करून मृतदेहाचे तुकडे करून दुकानात पुरले,साडे चार वर्षानी गुढ उकललं.
- दोन मुलांची आई प्रियकराच्या प्रेमात आंधळी, पत्नीने प्रियकराला बोलवले घरी दोघांना सोबत पाहून पतीची तळपायाची आग मस्तकात गेली, मग पुढे सुरू झाला हायहोल्टेज ड्रामा.
- पती खूनाच्या आरोपात अटकेत त्याला वाचवण्याच्या नादात पत्नीनं भलतचं केलं, पोलिसांवर केलेल्या गंभीर आरोपात तीन पोलिस निलंबित,काय आहे प्रकरण.
