भोपाळ : – सध्या देशात घातपात झाल्याचा घटनांमध्ये दिवसेंदिवस वाढ होत आहे अश्यातच मध्य प्रदेशची राजधानी भोपाळमध्ये पती-पत्नीचा वाद झाला. या भांडणात शेजाऱ्याचा जीव गेला. मंगळवारी घरात मटण तयार करण्यावरून पती-पत्नीचं भांडण झालं. पती पत्नीला मारत होता. ती वाचवा वाचवा ओरडत होती. तिचा आवाज ऐकून शेजारी मदतीसाठी धावला. त्यानं वाद सोडवला आणि मग घरी परतला. मात्र थोड्या वेळानं पती त्याच्या घरात काठी घेऊन शिरला. त्यानं केलेल्या हल्ल्यात शेजाऱ्याच्या डोक्याला इजा झाली. थोड्या वेळानं त्याचा मृत्यू झाला. आरोपी पती फरार झाला.
पप्पू असं आरोपीचं नाव आहे. पप्पूची पत्नी कुंती बाईनं घटनेची माहिती पोलिसांना दिली. पोलिसांनी घटनास्थळी पोहोचून मृतदेह ताब्यात घेतला. तो शवविच्छेदनासाठी रुग्णलयात पाठवण्यात आला. आरोपीच्या पत्नीनं पोलिसात तक्रार दाखल केली. त्यानंतर आरोपी पप्पूला अटक करण्यात आली. मी मंगळवारी घरात मटण तयार करत होतो. मात्र पत्नीनं विरोध केला. त्यामुळे वाद झाल्याचं आरोपीनं पोलिसांना सांगितलं.
आरोपीच्या पत्नीनं दिलेल्या तक्रारीवरून तिच्या पतीला अटक करण्यात आल्याची माहिती पोलीस ठाण्याचे प्रभारी सुनील चतुर्वेदी यांनी दिली. पप्पू मजुरी करतो. मंगळवारी मटण तयार करण्यावरून पती पत्नीमध्ये वाद झाला. तो सोडवायला आलेल्या बल्लूला पप्पूनं मारहाण केली. या प्रकरणाचा तपास सुरू असल्याचं त्यांनी सांगितलं.
हे वाचलंत का ?
- एरंडोल बसस्थानकावर सर्वत्र घाणीचे साम्राज्य; आगार व्यवस्थापकांचे बस स्थानकाच्या स्वच्छतेकडे पूर्णपणे दुर्लक्ष.
- पाऊले चालती पंढरीची वाट-चांदसर पायीदिंडीचे एरंडोलला स्वागत स्व. जयवीरबापू पाटील स्मृतीप्रित्यर्थ -गटसचिव संघटना 18 वर्षांपासून करीत आहे अन्नदान.
- “पैसेही गेले आणि बायकोही गेली पुन्हा मी एकटाच”… तीन लाख देऊन आणलेली बायको निघाली एका मुलीची आई; दोन दिवसांत टोळीचा भांडाफोड.
- मेट्रो स्टेशनखाली वडिलांजवळ झोपलेल्या अडीच वर्षांच्या चिमुकल्या मुलीवर बलात्कार करणाऱ्या नराधम आरोपीचा एन्काउंटर .VIDEO
- तरुणाचे एकीशी प्रेमसंबंध, तिचं दुसऱ्याशी लग्न ठरलं, तरुण गेला जाब विचारण्यास , तेथे झाला वाद पळून घरी येताना तरूणाचा खून करून तो अपघात असल्याचा केला बनाव.
