मुबई (गुरुदत्त वाकदेकर) : रविवारचा पहिला सामना बांगलादेश विरुद्ध झिम्बाब्वे यांच्यात अखेरच्या षटकापर्यंत रंगला. बांगलादेशचा कर्णधार शकीब अल हसन याने सामन्याचे महत्त्वाचे १९ वे षटक टाकताना अर्धशतकवीर शॉन विल्यम्सला धावबाद करून खेळाचे चित्र पालटले. शाकिबने उत्कृष्ट धावचीत केला कारण त्याला लक्ष्य टिपण्यासाठी फक्त एक यष्टी दिसत होती. विल्यम्सच्या बाद झाल्यामुळे खेळाचा संपूर्ण वेग बदलला कारण बांगलादेशने झिम्बाब्वेला एका रोमांचक सामन्यात तीन धावांनी पराभूत केले.
तत्पूर्वी, सलामीवीर नजमुल हुसेन शांतोच्या पहिल्या अर्धशतकाच्या जोरावर बांगलादेशने फलंदाजीचा निर्णय घेत सात बाद १५० धावा केल्या. शांतोने ५५ चेंडूत ७१ धावांची खेळी केली. अफिफ हुसैन (२९) आणि कर्णधार शकीब अल हसन (२३) धावा केल्या. झिम्बाब्वेकडून ब्लेसिंग मुझाराबानी (२/१३) आणि रिचर्ड नगारावा (२/२४) यांनी प्रत्येकी दोन बळी घेतले.
झिम्बाब्वेच्या शॉन विल्यम्सने ६४ धावा केल्या पण अंतिम लक्ष्य ओलांडण्यात त्याला अपयश आले. बांगलादेशकडून तस्किन अहमद (३/१९) आणि मोसाद्देक हुसेन (३/३७) यांनी बळी घेतले. तस्किन अहमदला त्याच्या (३/१९) कामगिरी केल्याबद्दल सामनावीर ठरवण्यात आले.
हे पण वाचा
- एरंडोल येथे खोट्या कारवाईचा बनाव करून चहा विक्रेत्याकडून १० हजारांची खंडणी; आ.अमोलदादा पाटील यांचे चार तास पोलीस ठाण्यात ठिय्या आंदोलन
- प्रत्येक बी.एल.ए.ने घराघरात जाऊन मतदारांची अचूक पडताळणी करा – आमदार मा.ॲड.अमोलदादा पाटील.
- एरंडोलला शिवसेनेने दिग्गजांना दिली पक्षीय जबाबदारी…
- एरंडोल येथे भारतरत्न डॉ.बाबासाहेब आंबेडकर जयंती उत्साहात साजरी.
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
