भिलवाडा (राजस्थान):- जिल्ह्यातील पॉक्सो न्यायालयाने अल्पवयीन मुलीवर सामूहिक बलात्कार करुन निर्घृण हत्या केल्याप्रकरणी दोन आरोपींना फाशीची शिक्षा सुनावली आहे. तसेच, पुरावे नष्ट केल्याच्या आरोपाखाली अटक करण्यात आलेल्या सात आरोपींची निर्दोष मुक्तता करण्यात आली.
मात्र, याविरोधात सरकारी पक्ष उच्च न्यायालयात धाव घेणार आहे.
सविस्तर माहिती अशी की, 2 ऑगस्ट 2023 रोजी 14 वर्षीय मुलगी गुरे चारण्यासाठी शेतात गेली अन् बेपत्ता झाली. बराच शोध घेतल्यानंतर तिच्या शरीराचे जळालेले अवयव एका वीट भट्टीत सापडले. तिच्यावर सामूहिक बलात्कार केल्यानंतर, तिची हत्या करुन मृतदेह भट्टीत टाकल्याचे तपासात उघड झाले. याप्रकरणी सख्खे भाऊ असलेले मुख्य आरोपी कालू आणि कान्हा कालबेलिया यांच्यासह इतर सात जणांना अटक करण्यात आले होते.
हा खटला भिलवाडा जिल्ह्यातील पॉक्सो कोर्टात सुरू होता. अनेक महिन्यांपासून सुरू असलेल्या सुनावणीअंती न्यायाधीशांनी कालू आणि कान्हाला फाशीची शिक्षा सुनावली. पण, या घटनेतील पुरावे नष्ट करणाऱ्या इतर सात आरोपींची निर्दोष मुक्तता करण्यात आली. आता या सरकारी वकिलांमार्फत निर्दोष सुटकेला उच्च न्यायालयात आव्हान दिले जाणार आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
