एरंडोल | प्रतिनिधी :- रवंजा बुद्रुक (ता.एरंडोल) येथे मोटार सायकलचा कट लागल्याच्या कारणावरून दोन गटात झालेल्या हाणामारीत वीस वर्षीय युवकाच्या मृत्यू
प्रकरणी पोलिसांनी सहा संशयितांना पोलिसांनी अटक केली.अटक केलेल्या संशयितांना न्यायालयासमोर उभे केले असता सर्वाना चार दिवस पोलीस कोठडीत
ठेवण्याचा आदेश न्यायाधीश भक्ती तळेकर यांनी दिला.दरम्यान रवंजा बुद्रुक येथे तणावपूर्ण शांतता असून पोलीस बंदोबस्त वाढवण्यात आला आहे.

याबाबत माहिती अशी,की रवंजा बुद्रुक येथे काल (ता.७) सकाळी साडेआठ वाजेच्या सुमारास मोटार सायकलचा कट लागल्याच्या किरकोळ कारणावरून दोन गटात हाणामारी झाली होती.या हाणामारीत नामदेव कोळी उर्फ रावण या वीस वर्षीय युवकाचा मृत्यू झाला होता तर सुनील माळी व लक्ष्मण माळी यांच्यावर चाकूने वार केल्यामुळे गंभीर जखमी झाले.याबाबत सुभाष कोळी यांनी दिलेल्या तक्रारीवरून पोलिसांनी काल लक्ष्मण गणपत माळी,राजू सुकदेव माळी,सुकलाल ईश्वर माळी, आकाश उर्फ भय्या सोमनाथ कोळी यांचे विरोधात गुन्हा दाखल करण्यात आला होता.

आज पोलिसांनी गोकुळ देवराम देशमुख व शिवदास श्रावण माळी यांचेविरोधात गुन्हा दाखल करून अटक केली.सर्व सहाही संशयितांना आज न्यायालयासमोर उभे केले असता सर्वाना चार दिवस पोलीस कोठडीत ठेवण्याचा आदेश न्यायाधीश भक्ती तळेकर यांनी दिला.सरकारतर्फे सरकारी वकील रविता देवराज यांनी तर संशयीतांतर्फे ॲड.अजिंक्य काळे,ॲड.आकाश महाजन यांनी काम पाहिले. संशयितांमध्ये अटक करण्यात आलेले गोकुळ देशमुख हे माजी लोकनियुक्त सरपंच आहेत. दरम्यान हाणामारीत मृत्युमुखी पडलेल्या नामदेव कोळी याचेवर रवंजा बुद्रुक येथे तणावपूर्ण वातावरणात अंत्यसंस्कार करण्यात आले.

यावेळी अमळनेर विभागाचे उपविभागीय पोलीस अधिकारी सुनील नंदनवाळ,पोलीस निरीक्षक सतीश गोराडे,सहाय्यक निरीक्षक गणेश अहिरे,उपनिरीक्षक शरद बागल यांचेसह मोठ्या प्रमाणावर पोलीस बंदोबस्त तैनात करण्यात आला होता.रवंजा येथे दंगा नियंत्रण पथकासह पोलीस बंदोबस्तात वाढ करण्यात आली आहे.

हे पण वाचा

• Video: खळबळजनक! साखरपुडा सुरू वधू-वर दोघेही स्टेजवर तेवढ्यात एक युवती आली तिने नवरीला मिठी मारली अन् म्हणाली….. काय आहे प्रकरण पहा व्हिडिओ
• मी’न्याय कुणाकडे मागायचा’ माझ्या पत्नीने सोडचिठ्ठी न देता केला दुसरा विवाह; म्हणत पतीनं पोलीस स्टेशनमध्येच स्वतःला पेटवून घेतलं.
• 52 वर्षीय सासरा व त्याच्या मित्राने नवविवाहीत सुनेस १५ दिवस घरात डांबून ठेवत केला लैंगिक अत्याचार आरोपी सासरा व त्याच्या मित्र फरार.
• दोघांच्या प्रेमात ५ वर्षाच्या मुलगा होता अडथळा.! निर्दयी आई समोर प्रियकराने केली चिमुल्याची हत्या, कपड्यात बांधून मृतदेह फेकला नदीत.
• नवीन वीज मीटर बसवण्यासाठी सहाय्यक अभियंत्याने मागितली साडेचार हजाराची लाच; संशयित लाचखोर अधिकारी एसीबीच्या जाळ्यात…